म र अँध्यारो शहर

म छु
र, शहर छ
शहर छ, अनि म छु ।

त्यो शहर अँध्यारो छ
म अँध्यारोभित्र छु ।
मेरो शहर, अँध्यारो शहर
र, म अँध्यारोमा
अँध्यारोसँगै समागममा व्यस्त शून्य मन ।

अँध्यारोभित्र म छु, शहर अँध्यारोमा छ ।
आऊ अँध्यारो प्रेमीहरू
एक÷एक गरेर
अँध्यारोसित मित लगाउन
अँध्यारोसित गीत गाउन, रमाउन र नाच्न ।

हेर्ने÷सुन्ने÷नाच्नेहरूका साक्षी को हुन् ?
किनभने हामी सब अँध्यारोमा छौं
हाम्रो शहर अँध्यारोमा छ
र, हाम्रो मन अँध्यारोसितको समागममा ।
क्या बात !
हामीहरू लाटोकोसेरोको प्रतिनिधि बन्ने दौडमा
२१ औ शताब्दी हाँकिरहेका छौं ।

maunabasti@writeme.com